MAIGREN YA ADHAKAPAAREE | - Kumar Surendra

Breaking

Learn SEO and Technical,life style,and health tips , mobile tricks.

Monday, 3 September 2018

MAIGREN YA ADHAKAPAAREE |

     MAIGREN YA ADHAKAPAAREE-

Sir dard ke kaaranon mein se ek kaaran adhakapaaree ya maigren hai, maigren ke nimnalikhit lakshan hai-

1- Sir dard daure padate hai | ye daure saamaanyata saptaah mein ek baar ya 15 din mein ek baar padh sakate hain kuchh rogiyo me saal mein ek ya do baar hee padhate hain kuchh any rogiyon mein ye daure har doosare teesare roj bhee padh sakate hain sir dard ke do donon ke beech vyakti bilkul svasth rahata hai |

2- jaisa ki naam se spasht hai adhakapaaree mein sir dard jyaadaatar sir ke kisee aadhe hisse mein hota hai | kabhee yah dard sir kee daee kanapatee to kabhee baee kanapatee se shuroo hota hai kuchh rogiyon mein yah dard sir ke pichhale hisse se shuroo ho sakata hai to kuchh any mein daen ya baen kisee ek bhau ke paas se shuroo ho sakata hai dard ke kisee ek or se shuroo hokar dheere-dheere poore shareer mein phail sakata hai |

3- sir dard ke saath rogee aankhon mein bhee dard ka shikaayat karata hai dard jyaada hone par rogee prakaash mein asuvidha
mahasoos karata hai atah kuchh rogee aankh band kar andhere kamare mein letana pasand karate hain |

4- kuchh rogiyon ko dard ke dauraan michalee aatee hai to kuchh rogiyon ko ultee bhee aatee hai ultee ke baad kuchh rogee aaraam anubhav karate hain tatha unaka sir dard bhee kam ho jaata hai |

5- kuchh rogiyon ko siradard ka poorvaabhaas vibhinn tareekon se hota hai kuchh rogiyon ke poore shareer mein bhaareepan aur sir
dard shuroo hone ke ghanto pahale hee aarambh ho jaata hai kuchh rogiyon kee aankhon ke saamane rang-birangee aakrtiyaan tatha taare dikhaee dene lagate hain dard shuroo hone ke poorv kuchh vyaktiyon ko saamane dekhane vaalee cheejen vikrti tedhee-medhee bhee dikhaee de sakatee hai |

6- maigren ka dard bahut saaree cheejon se ubhar sakata hai dard ko ubhaarane vaale yah kaaran alag alag rogiyon mein alag alag hota hai adhikaanshatah nimnalikhit kaaranon se adhakapaaree ya maigren ubhar jaata hai |

• dhoop, adhik garmee ya adhik thandak, anidra |

• khaane vaale padaarth jaise- chokalet, siraka, biyar cheej evan ajeenomoto (chainees bhajanon mein daala jaane vaala ek avayav |)

• lambee yaatra, jhoola jhoolana |

• atyadhik maanasik tanaav |

      KAARAN - 

maigren anuvaanshik rog hai jisamen sir ke andar kee dhamaniya ati sanvedanasheel ho jaatee hain aur badee hee aasaanee se in dhamaniyon ka sankuchan ho jaata hai jisase mastishk ke kuchh hisson mein rakt ka prabhaav kam ho jaata hai is dauraan rogiyon ko aankh ke saamane kaale dhabbe (blaik spot) rang birange taare ya any drshti dosh utpann ho jaate hain kuchh samay ke pashchaat in dhamaniya ke aasapaas soojan jaisa bhee ho jaata hai jisase dhamaniya jaroorat se jyaada phail jaatee hain aur inamen dard hone lagata hai |

      UPCHAAR- 

lambe samay tak dauro ke uparokt lakshan ke saath hone vaala dard maigren ho sakata hai parantu aisa dard kaee any gambheer kaaranon se bhee ho sakata hai jaise ki mastishk ke andar tyoomar mastishk kee dhamaniyon ka enyoorijm (gubbaare jaisa phool jaana) ityaadi | atah sir dard ko maigren maanane se poorv apane chikitsak se paraamarsh aavashyak hota hai maigren ubharane vaale kaaranon ko pahachaanane ka prayatn karen aur usase yathaasambhav bache | siradard ke shuruaat mein dard nivaarak aushadhiyon ka sevan kiya ja sakata hai agar dard baar-baar evan bahut hee kam antaraal par ho raha hai to kuchh aushadhiyon ka niyamit sevan karana pad sakata hai jisake lie bahut saaree
aushadhiyaan upalabdh hain kuchh rogee yogaasan evan manochikitsa se bhee laabhaanvit ho sakata hai

No comments:

Post a Comment

Hi, Mere blog se repleted comment kare.